Bya Maria Gorreth Namisagga
Ssettendekero y’Obwakabaka bwa Buganda, Muteesa I Royal University, eteeseteese okutikkira abayizi abakuguse mu masomo ag’enjawulo, ku mutendera ogwa dipulooma , ddiguli ne ddiguli ey’okubiri.
Gano gagenda kubeera matikkira ag’omulundi ogwe kkumi nessatu (13), nga gagenda kubeerawo nga 21, omwezi ogwokubiri omwaka guno, ku kitebe ekikulu eky’ettendekero lino ekisangibwa e Kirumba Masaka. Katikkiro Charles Peter Mayiga y’asuubirwa okubeera omugenyi omukulu.