Bya Ronald Mukasa
Buloba – Busiro
Omusumba w’essaza ly’e Lugazi eyawummula Mathias Ssekamaanya akubiriza abayizi obutasaagira mu misomo era beekwase Katonda basobole okugasa ensi.
Obubaka buno Omusumba Ssekamaanya abuweeredde ku ssomero lya Lubiri High school e Buloba ku Lwokutaano bw’abadde ayimba emmisa ewonga abayizi abagenda okukola ebibuuzo byabwe ebyakamalirizo okuli aba Siniya Ey’okuna ne Siniya Ey’omukaaga.
Omusumba Ssekamaanya abayizi abakuutidde okubeera n’empisa kibayambe okutangaaza emikisa gyabwe mu biseera by’omu maaso.
Ono asabye abazadde okufaayo ennyo eri abaana baabwe baleme kubalekera nsi kubanga buno buvunaanyizibwa bwabwe.
Yeebazizza abasomesa nabalabirira abayizi olw’okubeera abawanika abalungi eri abaana eggwanga.
Minisita w’Ebyenjigiriza, Owek. Chotilda Nakate Kikomeko yeebaziiza Nnyinimu olw’okutandikawo amasomero agenjawulo okutuukira ddala matenderkero aga waggulu, ssaako okutandiikawo amalwaliro abayizi abamu mwebayinza okufuna emirimu nga bamaze okusoma.
Owek. Nakate era akubiriza abayizi bano okubeera abanyiikivu nga bagoberera omubala gwesomero lyabwe “ogutatenya” nabakuutira bulijjo okwegwefumitirizaako okusobola okubaako we batuuka mu bulamu bwabwe obwabulijjo.
Omukulu w’essomero lino, Omuk. Charles Ssebina yeebazizza nnyo abazadde abafisizaawo akadde okwetaba mu kusabira abayizi bano era nasuubiza nti abayizi bano bakuyitira wagulu olwengeri gyababateeseteese.
Ono era yebaziiza abayizi abagenda okutuula ebigezo olwokubeera abawulize era abempisa nabakuutira okunyweza empiisa Eno okusobola okutwala mu maaso obulamu bwabwe,
Emmisa eno yeetabiddwamu amasomero amalala okuli; Lukwanga SS, Nabukalu church of Uganda Primary Cchool ne Kamya Memorial primary school.