Bya Stephen Kulubasi
Japan
Minisita w’Ebyobuwangwa, Embiri, Amasiro, Ebyobulambuzi n’Ebyokwerinda mu Bwabakaba, Owek. Dr. Anthony Wamala n’abakungu beyangeze nabo bataka mu ggwanga lya Japan okukiikirira Obwakabaka mu mwoleso gwa JATTA Expo era olwaleero basisinkanye Omubaka wa Uganda mu gwanga eryo, H.H Kaahwa Tophace Byagira. Bano baatuusse lunaku lw’eggulo era baayaniriziddwa abakungu okuva mu kitebe kya Uganda mu ggwanga eryo e Japan.
Ensisinkano eno egendereddwamu kweyanjulira H.H Kaahwa Tophace mu butongole n’okwongera okumunnyonnyola ku nteekateeka z’omwoleso guno. Mu kwongera okwetegekera omwoleso guno, olunaku lw’enkya minisita Wamala n’ekibinja kye basuubira okutuukako mu kifo wegugenda okubeera.
Owek. Wamala eno yagenzeeyo n’abakungu ba Kabaka abawerako okuli ne Ssenkulu w’ekitongole ky’Obwakabaka eky’ebyobulambuzi ki Buganda Heritage and Tourism Board, Omuk. Albert Kasozi.