Minisita Robert Sserwanga alambudde Abavubuka abalima emmwanyi, abalima ennyaannya, bamakanika n’abalala naabeebaza okubaako kyebakola nebatalinda kuweebwa.
Owek. Sserwanga akubirizza abavubuka okudda mu byalo beeyambise obukugu bwe balina okukola emirimu egivaamu ensimbi, abasabye okutandika n’akatono ke balina nga bwe n’akuza emirimu mpola mpola.
Akubirizza abantu ba Kabaka e Kkooki okwongera okunywerera ku Kabaka n’okwettanira enteekateeka z’Obwakabaka zonna.
Oweek. Serwanga mu lugendo luno atambudde n’Omukwanaganya w’emirimu mu Ssaza Kkooki Oweek. Gertrude Ssebuggwawo, Ssentebe w’Abavubuka mu Buganda Omw. Baker Ssejjengo n’abakulembeze abalala ku mitendera egy’enjawulo.
Minisita oluvuddeyo yeetabye ku mupiira wakati wa Buddu ne Butambala nga guno Buddu eguwangudde ggoolo 1:0. Omwami w’Essaza Buddu, Pookino Jude Muleke naye yeetabye ku mupiira guno.