Bya Ssemakula John
Bunyoro
Obwakabaka bwa Buganda buyozaayozezza Omukama Rukirabasaija Agutamba Solomon Gafabusa Iguru olw’okutuuka ku matikkira ge ag’emyaka 30 nga alamula abantu be.
Obubaka obuyozaayoza Omukama, Kamalabyonna Charles Peter Mayiga abutisse Omukubiriza w’Olukiiko lwa Buganda, Owek. Patrick Luwaga Mugumbule ku mukolo gw’okujjukira bwegiweze emyaka 30 nga alamula abantu be.
Obwakabaka busiimye Omukama Gafabusa olw’okutuuka ku lunaku luno, n’olw’okutakabanira okukuuma ennono n’obuwangwa, okufaayo ku nkulaakulana y’Abantu, wamu n’okuleetawo obumu mu bantu be Bunyoro.
Owek. Mayiga mu bubaka bwe agambye nti okwolesebwa kuno, kuyambye kinene nnyo Obukama bwa Bunyoro okugenda mu maaso nebufuuka eky’okulabirako.
Ono annyonnyodde nti Obwakabaka bwa Buganda n’Obukama bwa Bunyoro bulina bingi bye bufaanaganya, noolwekyo nsonga nkulu nnyo okunyweza eby’obuwangwa bino okusobola okumalawo ebibasomooza. Bwagasseko.
Kamalabyonna yebazizza Omugo Margaret Karunga Adyeri, olwokulabirira obulungi Omukama Dr. Solomon Gafabusa Iguru 1 omugonvugonvu.
Obubaka bwa Pulezidenti busomeddwa Ssaabaminisita, Robina Nabbanja.