Bya Ssemakula John
Mmengo – Kyaddondo
Abazzukulu mu bino eby’enjawulo basabiddwa bulijjo okukulembeza Obuwangwa n’ennono mu buli kyebakola kibayambe okutambula obulungi mu bulamu era bakulaakulane awatali kusuula nnono.
Okusaba kuno kukoleddwa Omutaka Kannyana Daniel bw’abadde alambula n’okutongoza ekibumbe ky’Ekika ky’Engabi Ennyunga ku luguudo lwa Kabakanjagala e Mmengo ku Lwokubiri.
Mukulambula kuno, Omutaka abadde awerekeddwako Omutiibwa Kalidinaali Emmanuel Wamala ng’ono ye Katikkiro w’ekika eyawummula Damiano Lubega n’abazzukulu ba Kannyana.
Omutaka Kannyana agamba nti kino kyekiseera abazzukulu ba Buganda okwongera amaanyi mukunyweza Obuwangwa nénnono, okusobola okutangira wamu n’okulwanyisa emize emibi ,era neyebaza bazzukulube abakola omulimu omunene ogw’okuteekawo ekibumbe ky’ekika.
Ssenkulu w’ekitongole ky’ebyóbulambuzi mu Buganda, Omukungu Herbert Kasozi asinzidde ku mukolo guno n’asaba Obuganda ne Uganda yonna, okwongera okulambula eby’obulambuzi ebiri mu Buganda .
Ye Omwogezi w’ekika ky’ Engabi ennyunga, Steven Muyunga ategezezza nti ekika kyabwe kirina emirimu egy’enjawulo gyekigenda okutandika okukola ku butaka okusobola okwekulaakulanya bwatyo nasaba abazzukulu okuwagira enteekateeka zino.