Bya Ssemakula John
Kampala
Eyali Minisita wa gavumenti ez’ebitundu mu Buganda, Owek. Jolly Lutaaya afudde mu kiro ekikeesezza Olwokusatu.
Owek. Lutaaya afudde ku ssaawa 9 ez’ekiro ku ddwaliro lya IHK mu Kampala gy’abadde amaze akaseera ng’ajjanjabwa ekirwadde kya Kkookolo.
Omwogezi w’Obwakabaka era minisita w’ebyamawulire mu Buganda, Owek. Noah Kiyimba ategeezezza nti Owek. Jolly Lutaaya ajjukirwa nnyo olw’okuweereza obulungi Obuganda era yali musaale okutandika leediyo ya CBS era nga yaliko Katikkiro w’ekika ky’Eng’onge.
Owek. Kiyimba annyonnyodde nti akaseera konna, Obwakabaka bugenda kufulumya enteekateeka z’okuziika Owek. Jolly Lutaaya.
Ebisingawo ku ggulire lino tubireeta.