Bya Musasi Waffe
Kololo – Kyaddondo
Wabaddewo obunkenke ku kizimbe okutuula Ssaabalamuzi w’eggwanga Alfonse Owiny-Dollo wano mu Kampala oluvannyuma lw’omuliro okukwata ekizimbe kino.
Omuliro guno gutandise ku makya g’ Olwokusatu era ebintu ebiwerako byonooneddwa.
Ebimu ebyonoonese mulimu ebikozesebwa mu woofiisi z’abalamuzi ba kkooti eno awamu n’ebibajje omuli entebe n’ebintu ebirala.
Kigambibwa nti omuliro guno gutandikidde mu woofiisi ya Ssaabalamuzi Owiny -Dollo wabula ekiviriddeko omuliro guno tekinamanyika era n’abatwala ekitongole kino tebanavaayo nakiwandiiko kyonna ku nsonga eno.
Abazinnyamooto ku luno bakoledde mu budde nebazikiza omuliro guno era okusinziira ku poliisi ekola ku muliro tewali muntu yenna alumiziddwa era byonna webibeereddewo nga Ssaabalamuzi tanatuuka ku kkooti eno.
Ebirala ku ggulire lino tubireeta