Owekitiibwa Kaaya Kavuma aziikiddwa olwaleero e Sagala-Buwaya. Katikkiro Charles Peter Mayiga n’omukyala, bamemba ba Palamenti, ba Minisita okuva e Mengo, abalangira n’abambejja bamuwerekedde.
Ba Memba ba Palamenti mu kuziika owekitiibwa Kaaya Kavuma 
Owekitiibwa Kaaya Kavuma yafa ku lwomukaaga nga 27 July 2019. Yazaalibwa nga 13 October 1937 e Jjungo-Bukuya mu Busiro. yasomera e Mengo Junior School, secondary nasomera e Busoga College Mwiri era nasomera ne Makerere University gye yafuna Diguli mu Art. Abadde mufumbo ne mukyalawe Miriam Kavuma era babadde nezadde lya baana musanvu (7) abazukkulu 15 era n’abaana babazzukulu 3.
Owekittibwa ajjakujjukirwa nnyo olw’emirimu emirungi gy’akoledde Obuganda. Owekitiibwa Kavuma yaliko omumyuka wa Katikkiro, yaliko Minisita w’ebyettaka mu gavumenti ya Ssaabasajja, era y’omu ku batandikawo ladiyo ya CBS era afudde yakulira boodi ya CBS Radio.