Bya Samuel Stuart Jjingo
Bumera – Busiro
Obwakabaka busimbye ebipande bibiri ku Lusaka lwa Namasole Wanyana e Bumera mu Busiro.Akulembeddemu
Akulembeddemu enteekateeka eno, Jjajja w’Olulyo Olulangira era Ssentebe w’Ennono n’Obuwangwa Omulangira Ssaalongo Edirisa Luwangula Basajjansolo agamba nti mu kaweefube w’okutaasa, okukuuma n’okukulakulaanya ebifo eby’ennono, Obwakabaka bugenda mu maaso n’okupunta, okusaako bbugwe n’okusaako ebipande ku bifo by’ennono nga ekifo kino.
Omulangira Luwangula akubirizza abaana ba Buganda bonna abawangaalira mu kifo kino okulaba nga tebakiriza baayise ba kasaanikwegazanyiza mu kifo kino n’alabula nti buli agaanidde ku ttaka ly’ebifo nga bino agenda kulamulwa embuga z’amateeka.
Ssaalongo Basajjansolo agamba nti Obwakabaka tebukomye kuteekawo buteesi bipande ku mbuga eno wabula bwakugenda mu maaso n’okugikulaakulanya edde ku mutendera oguweesa Obwakabaka ekitiibwa ekibugwanira.
Omukwanaganya w’Obuwangwa n’Okunonyereza mu Bwakabaka Mw. Patrick Sseruwagi akinoganyiza nti kino ekifo ky’amakumi abiri okuteekebwako ebipande, nteekateeka eyatandikibwawo Minisitule y’Obuwangwa okukuuma n’okutaasa Embuga ez’enjawulo era yeyamye nti Obwakabaka bwakugenda mu maaso n’omugendo guno.
Omutongole w’e Bumera Omumbejja Nabadda Eva Kyeyune yebazizza Obwakabaka olw’okubawa ebipande obugenda okubayambako okuziyiza ababbi b’ettaka era yekokodde omulugube oguli mu bantu abetunzeeko ettaka.