Bya Musasi Waffe
Bulange e Mmengo
Ekitongole kya Ssaabasajja Kabaka ekya Majestic Brands kifunye Ssenkulu omuggya, Omuk. Remmy Kisaakye ng’ono azze mu bigere bya Ronald Kawadwa abadde Ssenkulu okumalira ddala ekiseera ekiwerako.
Omuk. Remmy Kisaakye olwaleero Ssentebe w’olukiiko olukulembera ekitongole kya Majestic Brands, Robert Nsereko amwanjulidde Kamalabyonna Charles Peter Mayiga mu woofiisi ye e Bulange e Mmengo era ne yeebaza Nnyinimu Ssaabasajja Kabaka olw’okumulengera.
Kisaakye alina obukugu mu by’empuliziganya awamu n’obwakitunzi nga y’abadde avunaanyizibwa ku kifaananyi kya Airtel wamu n’ebyempuliziganya, omulimu gwe yalekulira ku nkomerero y’omwaka oguwedde nga kati yeegasse ku kitongole kya Beene nga Ssenkulu waakyo
Ekitongole kino ekya Majestic Brands lwe lutindo oluyunga Obwakabaka n’akatale nga kivunaanyizibwa butereevu ku kifaananyi kya Buganda.