Bya Musasi Waffe
Kassanda
Entiisa yabuutikidde abatuuze be Kalamba e Kiganda mu disitulikiti ye Kassanda eggulo ku Ssande, maama bweyeggalidde mu nnyumba n’abaana be basatu neyeekumako omuliro ogumusse n’omu ku baana.
Abafudde ye mama Rahumah Kobusingye ow’emyaka 28 ne mutabani we Nyombi Richard Junior ow’emyaka 2 ate omwana omulala Deo Kipoyet naddusibwa mu ddwaliro nga ali mu mbeera mbi.
Omwogezi wa poliisi mu bitundu by’e Wamala Recheal Kawala, yategeezezza nti Kobusingye yesse bwessi kubanga abatuuze webatuukidde ku nnyumba ono yabadde yeesibiddemu ne kkufulu .
Abamu ku batuuze bategeezezza nga Kobusingye bweyasoose okubaako omuntu gwatuma amafuta ne Kkufulu empya ssatu wabula tebategedde kyeyabadde agenda kukola.
“Twalabye omukka nga guva mu bumooli netudduka okutuuka ku nnyumba twasanze enzigi nsibe. Wano twakoonye ekisenge netusobola okutaasaako omwana omu, abalala twasanze bamaze okufa,” Omu ku batuuze Isma Kato bweyategeezezza.
Ssentebe w’ekitundu kino Ssempaka Alex Kiberu yategeezezza nti, beewunyizza olw’enjega eno kubanga tebamanyi kiki kivuddeko mukyala ono kweyokya n’abaana be.
Poliisi ye Kassanda yeekebezze omulambo n’oluvanyuma negutwala mu ddwaliro okwongera okwekebejja.