Musasi waffe
Kkooti y’okuntikko, giyite Supreme Court enkya ya leero eyimirizza okussa mu nkola ekiragiro kya kkooti ya Ssemateeka eyalagira nti ababaka ba palamenti mukaaga bagobwe mu bifo byabwe kubanga baalondebwa mu bukyamu.
Ababaka okuli Asuman Basalirwa akiikirira ekibuga ky’e Bugiri, owe’ Sheema, Elioda Tumwesigye, ow’e Apac, Patrick Ochan, ow’e Ibanda, Tarsis Rwaburindore, n’owe Nebbi, Hashim Sulaiman wamu n’owe Kotido Abraham Lokii.
Abalamuzi bataano okwali omumyuka wa Ssaabalamuzi, Alphonse Owiny-Dollo, Kenneth Kakuru, Cheborion Barishaki, Fredrick Engonda- Ntende ne Christopher Madrama baategeeza nti bano balondebwa mu bifo ebitaaliwo mu mateeka.
Bagamba nti tekikkirizibwa kutondawo bifo ate nebirondebwamu abantu ng’ekisanja tekinnagwako.
Omusango guno gwatwalibwayo eyali omubaka wa palamenti akiikirira Bufumbira East Eddie Kwizera.
Ono yali ayagala ekiragiro kino kiteekebwe mu nkola wabula Ssaabawolereza wa gavumenti wamu n’akakiiko k’ebyokulonda nebajulira ensala eno.
Era kkooti ey’okuntikko enkya yaleero etegeezezza nti bano bagira balinda okuvaayo mu palamenti okutuusa ng’emaze okuwulira okujulira kwabawawaabirwa.