Bya Gerald Mulindwa
Bulange – Mmengo
Kkooti egonjoola emisango n’obutakkanya mu Bika eya Kisekwa eramudde ku nkaayana ku bukulu bw’Ekika ky’Effumbe nga kati kino kyakufuna Omutaka omuggya.
Abalamuzi mu kkooti ya Kisekwa nga bakuliddwamu Omulamuzi Joshua Kateregga bakizudde ng’ Omutaka abaddeko Yusuf Mbironzankya abadde nsowole era kati ekika kino kyakuweebwa Omutaka omuggya.
Kino kivudde ku nsala y’omusango ogwawaabwa Katikkiro w’ Essiga lya Mugumba, James Walusimbi Kisasa n’abalala nga bawakanya ekya Mbirozankya okubeera Walusimbi.
Kkooti eno oluvannyuma lw’okwetegereza obujulizi okuva ku njuyi zombi ekivudde Omutaka Yusuf Mbironzankya tali mu buufu bwa Kisitu Ntege omuva oyo alya obwa Walusimbi nga bwekityo obukulu buno abubaddeko mu bukyamu.
Omulamuzi Joshua Kateregga, esomedde enjuyi zombi obujulizi obwenjawulo nga bwonna bulaga nti Ekika kye Ffumbe kimaze emyaka 1000 nga kitambulira mu bukulembeze obutali butuufu.
Kati kitegeeza nti obukulembeze mu masiga asatu erya Magunda, Nagaya ne Ssempala, bulina okutuula okwerondamu omukulu w’Ekika omutuufu.
Oludda lw’ Omutaka Mbirozankya luweereddwa ennaku 30 okujulira ewa Ssaabasajja Kabaka bweruba terumatidde nansala ya kkooti eno.