Bya Ronald Mukasa
Entebbe-Wakiso
Munnnamateeka Okiot Raphael akakasiddwa okufiira mu kabenje akagudde e Nkumba mu bitaala awali amasang’anzira agadda ku Ssettendekero wa Nkumba enkya ya leero.
Kino kiddiridde ekimotoka ekitabula enkokoto ekya Kampuni ya Cementers nnamba UAN 836D okulemerera omugoba waayo negwiira ey’obuyonjo kika kya Mitsubishi RVR namba UBQ 371P agibaddemu nafiirawo.
Okiot abadde munnnamateeka nga akola ne ba Maldes Law firm mu Kampala era nga abadde agenda mu kkooti Entebbe.
Ono era y’abadde mwami w’omulamuzi w’ eddaala erisooka e Kyenjojo Faith Irene Kwagala era abadde musomesa w’ amateeka ku ssetendekero wa UCU e Mukono.
Ye ddereeva w’ekimotoka kino addusiddwa mu ddwaliro okufuna obujjanjabi.
Bino webijjidde nga wakayita ennaku mbale ng’ abayizi ba Buganda Royal Institute of Business and Technical Education bana (4) nabo bafiiridde ku luguudo lwelumu e Kisubi.