Bya Ssemakula John
Sseguku – Busiro
Katikkiro Charles Peter Mayiga asabye abantu okunyweza ebyenjigiriza era bafeeyo okusoma bave ku byabantu byebagereesa nti gundi nga mugagga ate nga teyasoma.
Okwogera bino ow’omumbuga abadde aggulawo ssomero lya Imara Kindergarten erisangibwa mu ggombolola ya Ssaabagabo Nsangi e Sseguku Katale mu Busiro ku Lwokusatu.
Owek. Mayiga asinzidde wano naakubiriza abantu okwettanira okusoma kibayambe okuwagala obwongo nokulowooza.
Katikkiro era atongozza enkola ya “Reading Club” ku ssomero lino nakakasa nti okusoma ebitabo mu baana abato, kubayamba okwogiwala obwongo, n’okufuna omwoyo ogw’okunoonyereza n’okuzuula ebikusike.
Ono asabye abazadde n’abasomesa okussa ennyo essira ku ngunjula y’abaana mu mpisa, n’okubayigiriza okukola, bafuuke baabuvunaanyizibwa.era nasaba abaana okulabira ku Mumbejja Katrina Ssangalyambogo eyamazeeko emisomo gye n’afuna digiri eya ‘Bachelor of Science, with honors in Management’.
Ye omutandisi w’ essomero lino, Edmond Safari, ategeezezza Katikkiro nti baatandise enkola eno okuyamba abaana okutegeera obulungi ebibasomesebwa, naavumirira n’enkola ey’okuggya ebisomesebwa ku mitimbagano.
Omwami wegombolola ya Ssaabagabo Nsangi, Mathias Wasswa yebazizza Edmond Safari olw’enkulaakulana zayingiddemu wamu n’okukola emirimu gya Ssaabasajja.