Bya Ssemakula John
Lubiri – Mmengo
Abakampuni enkozi ya Langi eya Plascon bawaddeyo langi ebalirirwamu obukadde n’obukadde okuyambako okuyooyoota Twekobe n’Olubiri lwa Ssaabasajja Kabaka Ronald Muwenda II wakati ng’Obuganda bwetegekera okujjukira Amatikkira omulundi ogwa 30.
Omukolo gw’okuwaayo langi eno guyindidde mu maaso ga Twekobe ng’ era ekwasiddwa omukulu w’Olubiri, Omuk. Ssewava Robert kulw’ ebitongole okuli Majestic Brand ne Namulondo ku Lwokuna.
Abakungu ba kampuni ya Plascon, Moses Kato ne Daniel Kayongo bagamba nti kibadde kibakakatako okuvaayo ku nsonga eno era omulimu guno baakugukolera mu nnaku 5 era bakufuba okulaba nti Twekobe ayongera okutuukana n’omutindo ogusanyusa Empologoma.
Bannyonnyodde nti mulimu gwa kitiibwa eri kampuni eno era nabo ng’abantu okulaba nti bebafunye omukisa okuyooyoota Twekobe ng’ Empologoma ejaguza emyaka 30 ng’eri ku Nnamulondo eramula Obuganda.
Amatikkira ga Ssaabasajja Kabaka agomulundi ogwamakumi asatu gaakubaawo ku Mmande nga 31 ogwomusanvu 2023 era ngomutanda yasiimye getabweko abantu bonna nga gakuyindira mu Lubiri e Mmengo