Bya Gerald Mulindwa
Minisita w’ebyenjigiriza mu bwakabaka Owekitiibwa Choltilda Nakate Kikomeko akuutidde abasomesa mu masomero g’Obwakabaka okwongerako obukugu mu byenjigiriza kibayambe okusitula omutindo.
Obubaka buno abubaweeredde ku mbuga enkulu ey’Obwakabaka bw’abadde akwasibwa ebyava mu bibuuzo bya primary ne S.4 eby’amasomero g’Obwakabaka nga abagakulira bawadde alipoota engeri gye byatambulamu.
Abakulira amasomero okubadde Omuk. Kalyesuubula Christopher owa Lubiri Nnabagereka Primary school, Omuk. Immaculate Nampijja, Lubiri high school Mengo camlus, Omuk. Ssebina Charles Lubiri High School Buloba Campus ne Omuk. Ssekasamba Steven owa Bowa Vocational Secondary School, banjudde abyava mu bigezo mu masomero gaabwe.
Oweek Choltilda Nakate Kikomeko ategeezezza nga obukugu bw’Omusomesa bwe bukola ekinene ku nsoma y’omwana, n’asaba abasomesa baddeyo basome bongere ku bukugu bwabwe mu kisaawe kye by’enjigiriza.